Grŵp Trawsbleidiol Cymru – Siopau Bach: Cynllun Dychwelyd Ernes (DRS)

Dydd Mercher 12 Gorffennaf, 12:15 – 13:15: Microsoft Teams (Ar-lein)

COFNODION

YN BRESENNOL:

Enw	Sefydliad	Cofnodion
Edward Woodall	Y Gymdeithas Siopau Cyfleustra (ACS)	EW
Daniel Askew	Y Gymdeithas Siopau Cyfleustra (ACS)	DA
Willem Van De Ven	Y Gymdeithas Siopau Cyfleustra (ACS)	WV
Julie James	Y Gweinidog Newid Hinsawdd	JJ
Rhys Thomas	Aelod o staff cymorth Sam Rowlands AS	RT
Tom Perry	Aelod o staff cymorth Tom Giffard AS	TP
Vince Tenby	Tenby Stores	VT
Ruth Buckley-Salmon	Ffederasiwn Cenedlaethol yr Is-bostfeistri
Robin Lewis	Aelod o staff cymorth Vikki Howells AS	RL
Vikki Howells	AS dros Gwm Cynon	VH
Howard Davies	Llywodraeth Cymru	HD
John Halliday	Cymdeithas Manwerthwyr Annibynnol Prydain	JH
Gwen Patterson	Ffederasiwn y Manwerthwyr Annibynnol	GP
Philip Fenton	British Glass	PF
Laura McCormack	Cymdeithas y Llyfrwerthwyr	LC
Arianne Fleming	British Glass	AF
Rosina Robson	Y Ffederasiwn Gwallt a Harddwch Cenedlaethol (NHBF)	RR
Eleanor O’Brien	British Glass	EB
Benjamin Sullivan	Ysgrifennydd Preifat i’r Gweinidog Newid Hinsawdd	BS
Sarah Horner	Llywodraeth Cymru	SH
Seonag MacKinnon	Ffederasiwn y Manwerthwyr Annibynnol	SM
Ioan Bellin	Aelod o staff cymorth Rhys ab Owen AS	IB
Russell George	AS dros Sir Drefaldwyn	RG

1. Ymddiheuriadau

Andrew Goodacre – Cymdeithas Manwerthwyr Annibynnol Prydain

Lucy Reece Raybould – British Footwear Association

2. Croeso a chyflwyniadau

Croesawodd VH y rhai a oedd yn bresennol, gan amlinellu’r rhaglen weithgareddau ar gyfer y Grŵp Trawsbleidiol.

3. Siopau Lleol a'r Cynllun Dychwelyd Ernes

Amlinellodd EW sut mae'r Cynllun Dychwelyd Ernes (DRS) yn gweithio, y datblygiadau diweddaraf mewn perthynas â’r mater hwn yng Nghymru, ystyriaethau allweddol ar gyfer manwerthwyr sy'n gweithredu'r cynllun, yn ogystal ag argymhellion i Lywodraeth Cymru o ran sicrhau bod y cynllun yn gweithio'n effeithiol.

4. Cynlluniau Llywodraeth Cymru ar gyfer cyflwyno Cynllun Dychwelyd Ernes

Cyflwynodd JJ ei hun i bawb a oedd yn bresennol. Rhoddodd drosolwg byr o'r datblygiadau diweddaraf ynghylch y cynllun arfaethedig yng nghyd-destun Llywodraeth Cymru, gan ofyn i’r rhai a oedd yn bresennol i gyflwyno cwestiynau pwysig ynglŷn â’r cynllun.

5. Sesiwn holi ac ateb gyda’r Gweinidog

Tynnodd VM sylw'r Gweinidog at bryderon allweddol ynghylch y gost o weithredu'r cynllun dychwelyd ernes mewn siopau a'r enillion ar fuddsoddiad. Ymatebodd JJ a HD drwy dynnu sylw at weithgarwch parhaus Llywodraeth Cymru o ran casglu adborth a mewnbwn gan fusnesau, a hynny er mwyn sicrhau bod y cynllun yn addas at y diben ac yn apelgar i fusnesau o ran ei weithredu.

Dywedodd EW wrth JJ y dylai Llywodraeth Cymru ystyried o ddifrif y cam o fapio’r cynllun yn strategol, a hynny er mwyn sicrhau ei fod yn cael ei weithredu'n effeithiol mewn ardaloedd lleol ar gyfer cwsmeriaid sy'n dychwelyd eitemau a busnesau sydd am gymryd rhan yn y cynllun. Gwnaeth HD gydnabod argymhelliad EW. Dywedodd fod Llywodraeth Cymru yn gwneud ymdrech sylweddol i ymgysylltu â grwpiau rhanddeiliaid ehangach ac i archwilio gwaith ymchwil pellach er mwyn datblygu dull gweithredu effeithiol o ran mapio strategol.

Gofynnodd RM i JJ sut y bydd Llywodraeth Cymru yn cyhoeddi polisïau arfaethedig ynghylch y cynllun ac yn eu cyfleu’n glir i fanwerthwyr, a hynny yng ngoleuni’r ystod eang o reoliadau amgylcheddol presennol ac arfaethedig sy’n effeithio ar fusnesau, sy’n aml yn cael eu drysu o ran pa reoliadau sy’n berthnasol iddynt. Tynnodd HD sylw at yr adnoddau sydd gan Lywodraeth Cymru at ddefnydd busnesau ar hyn o bryd, gan gynnwys canllawiau a gwybodaeth am bolisïau presennol a pholisïau sydd yn yr arfaeth.

6. Sylwadau i gloi

Rhoddodd VH grynodeb o’r cyfarfod a diolchodd i bawb am fod yn bresennol.